• آخر تحديث: الاحد 26 سبتمبر 2021 - الساعة:17:49:25
آخر الأخبار
ثقافة وفن
بهذا الحوار استقبل الفنان سمير غانم زوجته دلال عبد العزيز في الدار الآخرة
تاريخ النشر: الجمعة 03 سبتمبر 2021 - الساعة 19:25:47 - حياة عدن/خاص
رصد محرر "أحد المواقع" منشورا رائجا في مواقع التواصل الاجتماعي لكاتب مجهول يتخيل لحظات استقبال الفنان سمير غانم لزوجته الفنانة دلال عبدالعزيز ، في الدار الآخرة عقب وفاتها بعده بعدة أسابيع.      فيما يلي نص الحوار الذي دار بينهما:   (( كل دا تأخير يا ست هانم ؟ اهو انتو كدا يا ستات تقفوا قدام المراية بالشهر وتضيعوا أهم المواعيد  = سمير ؟! إنت بتعمل ايه هنا  _ جاي ازور واحد صاحبي ، بالذمة دا سؤال تسأليه  = إنت جيت هنا إمتى ، انا كنت دايما بسألهم عليك وكانوا بيقولوا بخير  _ يا عبيطة ، وكنتي بتصدقيهم ؟ = بصراحة لأ ، قلبي مكانش مصدق ، بس كنت بغصب نفسي اصدق ، اصل الحياة كانت هتبقى وحشة أوي من غيرك  _ تعرفي انك وحشتيني أوي ؟ آه والله ، انتي احلويتي ليه كدا ؟ صحتك جت عالموت  = موت ؟ هو فين الموت دا ؟ انا نمت صحيت لقيت نفسي هنا  _ العبط اللي تحت بيقولوا عليه موت ، تعالي كدا افرجك حاجة  = بالراحة يا سمير متشدنيش كدا انا صحتي متستحملش  _ صحة ايه فوقي بقى ، هنا مفيش تعب ، انتي مبصيتيش في مراية من ساعة ما جيتي ؟  = عايز توريني إيه طيب ؟ _ الشباك دا ، كنت ببص منه عليكي وانتي في العناية المركزة ، وكنت بدعي تجيلي هنا بسرعة  = إخص عليك يا سمير ، بتدعي عليا اموت  _ هههههه ، دي هتقولي موت برضو ، يا بنتي خلاص ، مفيش حاجة اسمها موت تاني ، طب بصي كدا  = يا حبايبي ، دول البنات ، صعبانين عليا اوي يا سمير  _ وحياتك وصعبانين عليا انا كمان ، مش هما وبس ، أي حد لسه مش فاهم صعبان عليا  = تيجي ننادي عليهم ونقولهم ميزعلوش ، نقولهم كلنا هنتقابل هنا في الآخر ، هنا مفيش فراق تاني  _ مش هيسمعونا للأسف ، اول ما جيت هنا قعدت ازعق ، انادي عليكي وعلى البنات ، وعلى الناس اللي بتعيط عليا ، كنت عايز اقولهم بتعيطوا ليه يا عبط ، دا هنا احسن من عندكم بكتير ، بس محدش سمع صوتي  = يظهر اننا لازم نجرب الأول عشان نصدق  _ سيبك انتي انا عايز اقولك حاجة مهمة  = قول  _ أنا بحبك أوي ، عمري ما هنسى انك صممتي تتجوزيني رغم فرق السن الفظيع اللي بيني وبينك ، ووقفتي جنبي طول حياتي وغيرتي فيا كل الصفات الوحشة ، ومستحملتيش تعيشي تحت من غيري ، خلاص ، مفيش فراق تاني = هتفضل تحبني لحد إمتى ؟ _ هفضل احبك طول عمري  = طول عمرك ؟! ما خلص عمري وعمرك  _ يا عبيطة ، احنا عمرنا ابتدى دلوقتي ، حمدلله عالسلامة يا ديدي)). 
التعليقات
شارك برأيك
إضافة تعليق
الأسم
موضوع التعليق
النص
حصري نيوز